الحياة برس - قامت الفنانة أصالة بحملة ترويج مميزة لألبومها المصري الجديد الذي يحمل عنوان "لحقت نفسي" والذي من المتوقع أن يصدر في الأيام القريبة القادمة. يتضمن الألبوم ست أغاني متوقع أن تكون مفاجأة مثيرة لمحبيها.

وقد قامت أصالة بتحفيز جمهورها من خلال الكشف عن بعض تفاصيل الجزء الأول من الألبوم، حيث أشارت إلى أنها تشعر باتصال قوي بكل أغنية قامت بأدائها في هذا الألبوم، وأنها قد غنتها مرارًا وتكرارًا أثناء التحضير للإصدار.
تجدر الإشارة إلى أن أصالة قد حققت نجاحات كبيرة خلال مسيرتها الفنية، وأصبحت واحدة من أشهر الفنانات العربيات في عالم الغناء، ومن المؤكد أن ألبومها الجديد سيضيف لمسات فنية جديدة إلى إرثها الفني المميز..
وكتبت على حسابها في انستغرام :"بقدّملكم لكم كلّ الاوقات الحلوه المليانه محبّه وصحبه وعمل دؤوب لإنجاز مشاهد منّ مواقف من مشاعر ..أغاني بتحكي عنّي وبتحكي عنكم .. عشنا أنا وحبيبي شريكي وصديق الرّوح فايق أيّام طويله بأماكن كتيره لنرسم كلّ صوره وكيف لازم تطلع بأحلى وأطيب مايمكن..
بدًي أشكر كلً صديق عزيز موجود إسمه بالأغاني الستّه اللي رح تسمعوها وبعد وقت قليل رح أتبعهم بستّ أغاني بتقديم مختلف .. وشكرا لاخي وسندي انوس وفريق كبير معه بيساندني وبيفكًر لي ..وشركة كبيرة مجتهده رائده بالموسيقى وكتير منّ باقي الفنون بيتي الحنون (روتانا ) وكل اللي فيها يشتغلوا بحب وبتحسّ إنهم ولاد الشّركه الكبار ..وادارة اعمالي صديقي طوني سمعان موجود معي بكلّ صغيره وكبيره وكلّ عيلتي اللي رأيهم بيهمني وكل اصحابي الّلي برّروا غيابي وقدّ مااشتاقوا لي اشتقت ..الموسيقى وطن رح ننضمّ إله أنتوا وأنا لنسمع نفس الحكايه بذات الوقت .. مابخفيكم خايفه وكأنًي أوًل مرّه رح قدّم لكم أغاني .. كتير تعلّقت بكل أغنيه غنّيتها ويمكن فيه أغاني عدتهم أكتر من عشر مرّات وبكلّ مرّه كنت عم دوّر على ستّ أنا بعرفها والقصّه قصّتها وعندا شخصيّه ضروري تكون حلوه والجمال اللي بشوفه فيها بتمنى تشوفوه متلي بتمنّى الأغاني تخلّلي أوقاتكم حلوه .. كلّ المحبّه وكلً الإمتنان على أيّام كتيره ساندتوني فيها وقوًيتوني وفيكم كبرت .. هلّأ أنا عم ردّ محبّتكم بمحبّه بموسيقى بإخلاص بالإبقاء عالإلتزام الّلي منّ خلاله بدينا سوا وكبرنا سوا وكلّنا محبّين الفن وأهله ..الّلي عمّ قدمه بطريقتي لوطني الغالي ( الموسيقى) هو أحلى وأغلى ماعندي بفضل الله..
ورح أحكي تباعاً عنّ كلّ أغنيه على حدن .. حبايبي راح يكون باول اكتوبر بين إيديكم بعض منّ روحي على شكل أغاني ومتل مابدينا مكملين".

calendar_month25/09/2023 05:51 pm