الحياة برس - رأى نجم الأهلي والزمالك السابق رضا عبد العال، أن لاعبي قطبي الكرة المصرية هم من يحددون مصير المباراة وليس المدربين، كما أن أدائهم مسؤول عن نجاح أي مدرب.
وقال في تصريحات لقناة "ten" الجمعة:"لاعيبة الأهلي والزمالك اللي مع موسيماني وكارتيرون كنز بس ولا ده بيقرأ ولا ده عبقري، الاتنين أرزاق والله، واللاعيبة دي بتنجّح أي مدرب".
وأضاف:"هنشوف النهارده أداء للاعيبة من إبداعتهم هما مش من إبداع المدير الفني للأهلي والزمالك، لأن ماتشاتهم مش بتخضع لأي مقاييس أو حسابات، والمفروض يمتعونا كورة لأننا لسه في الأسبوع الثالث، والدوري لسه طويل".
مشيراً لثبات تشكيل نادي الزمالك لأنه مضطر لذلك معللاً هذا بقوله "هما دول بس اللي عنده، ومفيش في الدكة غير مصطفى فتحي والباقي كله مش في مستوى اللاعيبة اللي بتلعب»، بينما بالنسبة للنادي الأهلي فأكد أن لديه فرقتين، حتى لو لعب عمار حمدي، اللي كان لازم يبدأ به عشان يبقى في تارجت المباراة، لكن هيخاف ويلعب بتلاتة دفندرات في وسط الملعب".
وتابع بقوله:"موسيماني لو كسب هيقعد لو اتعادل هيقعد لكن الخسارة هي الحالة الوحيدة اللي هيبقى عليه قلق بدليل إنه مجددش لحد دلوقتي، لكن كارتيرون لو كسب أو خسر أو اتعادل هيمشي، وهو بلّغ من أسبوع الكابتن حسين لبيب أنه بعد الماتش هيمشي".
أما عن ملف التحكيم قال رضا عبد العال:"الإصرار على التحكيم المصري عشان محدش طلب، دي مباراة الزمالك مين المفروض يطلب؟ نادي الزمالك وهو مطلبش، وبالتالي طلعوا حكام مصريين، بس إحنا عارفين الأزمة المالية في الزمالك مش مستاهلة يجيبوا".

calendar_month06/11/2021 09:29 am