الحياة برس - رغم مرور 30 عاما على انتاج فيلم "الارهاب والكباب" للفنان المصري عادل امام، إلا ان الرئيس المصري عبدالفتاح السيسي، اعاد احيائه مرة أخرى بعد ان وجه الانتقاد اليه.
الفيلم انتج عام 1992، من بطولة عادل امام ويسرا واحمد راتب وعدد كبير من نجوم الفن المصري، مؤلفه الراحل وحيد حامد المعروف بتناوله القضايا الاجتماعية في اعماله الفنية.
وقال السيسي في احدى مداخلاته " فيلم الإرهاب والكباب صور المواطن بأنه يشتكي وخلى البلد تظهر كخصم ومخلاش السلبية خصم، المواطن اللي مبيشتغلش هو اللي خصم".
وأضاف: "لما حولت البلد لخصم بعض الناس في 2011 هدوها، ولولا فضل الله علينا وكرمه كانت هتبقى زي كل البلاد اللي انتوا شايفينها مقامتش تاني اللي بيروح مبيرجعش ولكن الله أفاض علينا بكرمه مش معقول نفضل زي ما إحنا بعد كدا".
واستطرد الرئيس المصري قائلا: "أقابل الناس تقولي زعلانة منك، طب ليه؟ أنا عندي 6 عيال، طب أنا أعمل إيه، أه والله، طب هما مش بيحبوا الحاجات دي عشان التلفزيون يعني، قولتلهم طب أنا عندي 100 مليون، بقول ده لكل اللي بيسمعنا، اللي بيقول انتوا ليه مش بتدوا حقوق الناس، حقوق إيه؟ أنا مش لاقي أكل، روحوا المرج والمطرية والخصوص (مناطق شعبية مزدحمة بالقاهرة)، شوفوا لما بمشي في الشوارع بلاقي إيه، دي بلادنا".
وتابع: "يا اللي في الجامعة والكنيسة والمسجد، انزلوا شوفوا البلد، أنا علشان أفتح شارع، بشيل 1000 بيت علشان الناس تمشي في حتت محدش يمشي فيها، طيب أنت إيه حكايتك النهاردة، بقول كده علشان دي بلدنا كلنا".




المصدر: الحياة برس - وكالات
calendar_month02/03/2022 10:53 am