فاروق فلوكس: محمد رمضان بحاجة لعلاج نفسي

الحياة برس - رد الفنان المصري فاروق فلوكس على تصريحات الفنان محمد رمضان التي مس بها العديد من الفنانين الكبار، وسخر من فلوكس لأدائه دور صبي راقصة في أحد أفلامه القديمة.

وقال فاروق فلوكس أن هذا الدور مهم للعمل وأن رمضان لن يتمكن من إتقان الشخصية مثله.

وأضاف "أنا ماعملتش دور صبي الرقاصة فقط، أنا عملت أدوار تانية مهمة، وكتير فالجيل الحالي يتمنوا يقدموا نفس الأدوار دي، وده لأهميتها".

متابعاً" عملت دموع في عيون وقحة مع عادل إمام، ولغة الفن ما بتمشيش بنوعية واحدة، جميع أدواري الي قدمتها بقدم فيها شخصيات مختلفة ودي الناس بتصدقها".

وأكمل بقوله "محمد رمضان فنان كويس، بس لازم يروح يعالج نفسه عند دكتور نفسي، دائماً بقارن نفسه بالكبار وبقلل من قيمتهم الفنية والشخصية وهو لسه مابقالوش كثير في الساحة الفنية يدل على أنه غير سوي وشخص حقود، وهو مين يجي جنب فريد شوقي وغيره من زمن الفن الجميل فنان صغير جداً".

وتابع فاروق فلوكس: "اللي يعيش عصر فريد شوقي هايعرف أن مكنش في شباب بيمسك السلاح في أيده وهو رايح الفرح، ولا كان فيه شباب بتقتل عشان المخدرات، زمان كل الشباب رجالة بجد عشان كان فيه حاجة اسمها حرب، وهو طبعا استحالة هايفهم حاجة زي كده".

وتابع فاروق فلوكس حديثه قائلا: "فريد شوقي كان الملك في المجال ولا يزال الملك، لكن أنت بقا ملك ايه؟ ملك الحواري للشوارع والعيال البايظة، ولا ملك المهرجانات والإسفاف؟، لا بد من معالجة محمد رمضان نفسياً، مع احترامي ليه وهو ممثل شاطر".

وخلال حديثه وجه فاروق فلوكس نصيحة لمحمد رمضان قائلا: "أرجو منك متهاجمش القمم القديمة ولا الحديثة، عمر حد مننا طلع قال أنا نمبر واحد في العالم، ليه يا محمد يابني ده من تواضع لله رفعه".

وكان محمد رمضان قال انه في فنان كبير قام بأداء دور صبي عالم وأضاف "لو هاشحت مش حبقى زيه".

المصدر: الحياة برس