مروة عبد المنعم تبكي : انا مش عارفة بصرف ازاي

خلال المقابلة، أعربت مروة عن استياءها قائلة: "كنت لسه بقول لبنتي مش عارفه أنا صرفت عليكم طول السنين اللي فاتت دي ازاي؟ بس بتمشي، أنا وقفت جنب نفسي محدش وقف جنبي، طبعا بعد ربنا، ربنا ده عظيم وكريم، بقعد ساعات أقول أنا بصرف السنة دي ازاي"

وتابعت مروة عن تجربتها: " أشرف زكي وقف معايا، إدوارد كان وقتها معايا، ومكنش كتير، ودول اللي كانوا اقفين معايا، ومش هقول مين اتخلى عني، وفي ناس استنيت إن هما يبقوا معايا ومزعلني أوي ومش عايز أقول مين، ومكنوش صحابي أوي وعلى الأقل في بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا، وبقول الأسماء في الحاجة الكويسة"

وأضافت: "وأشرف زكي وقف معايا جامد جدًا بصراحة، ومن أكتر الناس اللي وقفوا معايا، كنت متخيله إن تامر حسني يسأل عليا، وخاصًة كان لسه في عمر وسلمى حصله موقف وروحتله مع إني لسه مكنتش صاحبته، والناس اللي بينا عشرة شغل فقط مسألوش عليا، إحنا مش عشرة خروج، وتامر من الناس اللي قريبة مني، ومبعتش رسالة ولا كلمني، أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا"

برنامج "قعدة ستات" يعرض كل يوم سبت ويستضيف نجوم الفن والشخصيات المشهورة بإشراف الإعلامية مروة صبري.