الحياة برس - سب الإعلامي عمرو أديب - مقدم برنامج "كل يوم" - جيلا جملئيل - وزيرة المساواة الإنسانية الإسرائيلية بعد دعوتها لتوطين الفلسطينيين بسيناء .
وقال "أديب" في برنامجه المذاع على قناة "ON E T" : "أغرب حاجة شوفتها النهاردة تصريحات الوزيرة الإسرائيلية وقولت إيه العته دة؟ .. ايه الهبل دة .. ومقدرتش أفهم بصراحة دة بيحصل ليه .. الوزيرة الإسرائيلية المتخلفة اللي أطلقت تصريح إنها شايفة سينا أفضل مكان للفلسطينيين لإقامة دولتهم .. احنا هنرمي بلانا على بعض؟ .. ايه العته دة؟ .. وعلى فكرة الإدارة المصرية مش لازم تسيب الكلام دة .. والست دي لازم تعتذر".
وأضاف: "هي بتعمل كدة ليه؟ .. مادام عملت كدة يبقى أنا لازم أروح للنية السيئة .. هي بتقول الكلام دة عشان الناس كلها تحس أن هناك مؤامرة كونية ومشروع كبير ومصر جزء منه وهذا الأمر لا يجب أن يمر مرور الكرام وهذه الوزيرة الإسرائيلية المعتوهة يجب أن تتراجع عن هذا الكلام وتعتذر .. ماهي سيمفونية بقى .. اشمعنى بس دلوقت شايفة إن هي دي أرض الميعاد بالنسبة للفلسطينيين .. ما ترجعولهم أرضهم".
الفيديو:

calendar_month28/11/2017 08:14 am