حورية فرغلي تنفي خبر خطبتها لنزار الفارس وتتوعده

الحياة برس - أكدت الفنانة حورية فرغلي أن الأنباء التي تم تداولها حول خطبتها من الإعلامي العراقي نزار الفارس لا أساس لها من الصحة. وعبرت عن غضبها الشديد من تصرفه وإعلانه الخطبة.

في تصريحاتها التلفزيونية، قالت حورية فرغلي إن جميع الصور المنتشرة لها برفقة نزار الفارس كانت جزءًا من تصوير حلقة في برنامج نزار، ولم تكن تصويرًا للخطبة كما ادعى. وأوضحت قائلة: " أنا البرنامج ده بيكلموني من أسبوع وبيقولولي أستاذ نزار عايزك في البرنامج، واتفقنا على يوم الأحد اللي هو امبارح وكان أول مرة أشوفه وفتحتلهم بيتي للمصورين بتوع البرنامج، وأنا في بيتي قاعدة مع مامتي والكلب بتاعي ومفيش حد، هو أول ما دخل قعد يصور وقالي بتحبي ماجد المهندس فأنا قولتله آه طبعا بحبه، قالي طيب تحبي ترقصي على أغنيته؟ ومكنتش عايزة أكسفه وبجامله، ومن ساعة ما دخل بيتي وهو عمال يصور من ورايا ومش فاهمة هو بيصور سيلفي ليه وقولت أسيبه براحته.".

وأكدت حورية فرغلي بقوة أنها لم تتم خطبتها لنزار الفارس أو لأي رجل آخر، وقالت: "أنا متخطبتش لـ نزار ولا لأي راجل في الدنيا وهرفع عليه قضية، لو هو خطبني هو شاف أبويا أمي أخويا؟ خطبني من مين؟، من نفسي ما أهلي عايشين، وأنا زعلانة وقررت دلوقتي إني مش هعمل أي لقاءات مع أي صحافيين ولا إعلاميين، يعني أنا رحبت بيه وكنت تعبانة وعملت معاه اللقاء تعمل معايا كده ليه؟ ليه تخلي كل الناس تكلم أبويا وأخويا يسألوا أنا اتجوزت؟ ليه تعملي مشاكل؟.".

وفي سياق متصل، أعلن الإعلامي العراقي نزار الفارس قبل قليل أنه تمت خطبته لحورية فرغلي يوم الأحد في جو عائلي.