احمد عزمي يكشف: باسم سمرة خطفني

كشف أحمد عزمي، خلال مقابلته في برنامج "واحد من الناس" الذي يقدمه الإعلامي عمرو الليثي على قناة "الحياة"، عن تفاصيل إدمانه على الكحول. وقال: "بدأت مشكلتي مع الإدمان بسبب الكحول، وهو أول وسيلة تسببت في أن أصبحت أعتمد عليها للابتعاد عن الواقع الذي كنت أرفضه".

وأضاف الفنان أحمد عزمي: "بعد وفاة شقيقي حمدي، شعرت بالغربة في وسط الأشخاص الذين كنت أعرفهم، وشعرت بغضب كبير يظهر على الأشخاص القريبين مني. واستمريت في تعاطي الكحول لفترة طويلة، وقمت بشراء شقة في شرم الشيخ وتعرفت على أشخاص جدد لم أكن أعرفهم من قبل. وهنا بدأت مراحل الإدمان، حتى وصلت الأمور إلى الحالة والمشكلة التي حدثت".

وأشار أحمد عزمي إلى وفاة شقيقه، قائلاً: "تعرض شقيقي للطعن بـ13 طعنة خلال شجار مع شخص حاول سرقته، وعندما تشاجر معه، تعرض للضرب وتم طعنه بالسكين مرات عديدة".

وتابع: "أنا كنت بشتغل فيلم الشوق مع خالد الحجر في الإسكندرية، وبعدين شربت وأنا عمري ما كنت بشرب أثناء التصوير، ودي كانت المرة الوحيدة اللي عملت كدا وزعلت حد من العاملين وخرجت عن النص ودي كانت أول مشكلة ليَّ".

واستطرد: "باسم سمرة كنا بنشتغل كتير مع بعض وفي في فترة شك إني مدمن كوكايين، فجالي البيت هو وهشام أخوه وابن عمه وخطفوني وقال لي تعالَ بس معايا وخدني عنده لمدة 4 أيام، وقال لي أنا عايز أتأكد لإني سامع عنك إنك مدمن كوكايين وأنا عايز أتأكد إنك كويس فقلت له طب كويس بس أنا مدمن كحول، بس الفكرة إن فيه أوقات ببقى عايز أهرب عن كل الناس بما فيهم الأهل ومراتي وابني آدم اللي كل حاجة في الدنيا، وأنا أخدت قرار إني أبعد عن ابني لإني كنت محتاج صدمة إلهية ودا اللي حصل من القبض عليَّ ودخولي السجن 6 شهور ودا كان فرصة إني أبص على نفسي من برة وأشوف الحاجات اللي كنت ممكن أقف عندها".

وتابع: "صدمة دخولي السجن تجربة قاسية وصعبة عليَّ وحسيت إني دفعت ثمن غلطة أنا غلطتها وحمدت ربنا إنها جت في دي، لأن الإدمان ممكن يخليني أعمل حادثة وكنت ممكن ارتكب جريمة في حد قريب مني فتبقى حاجة عايش بيها طول حياتي واعتبرتها قرصة ودن علشان ارجع لربنا".