نهى العمروسي تفجر مفاجأة بشأن بناء الأهرامات

وأشارت نهى العمروسي إلى ألواح سومرية تذكر بناء الأهرامات وتمثال Enki، وأكدت أن بناة الأهرامات ليسوا بشرًا وأن التماثيل العملاقة لهم هي تماثيل حقيقية وليست تضخيمًا.

تلقت تلك التدوينات ردود فعل متباينة على وسائل التواصل الاجتماعي، حيث اعتبر البعض أن هذه الأفكار تتجاوز قدرات العقل البشري، في حين اعتبرها آخرون محاولة للتسلية والتصدر في وسائل الإعلام الاجتماعية.

يجب الإشارة إلى أن نهى العمروسي سبق لها أن أثارت الجدل في السابق بتصريحاتها المثيرة، حيث نفت وجود عذاب في القبر، مما أدى إلى تعرضها لانتقادات من الجمهور.

وقالت العمروسي في تغريدتها "بناة الأهرامات مش المصريين القدماء، أنا عارفة أنتوا هتجزوا على سنانكم مني بس مش مهم، أنا باحثة عن الحقيقة، والحقيقة بتقول إن أجدادنا مش هم اللي بنوا الأهرامات، والأهرامات مش مقابر أصلا، دي حكاية فوق خيالكم".

وتابعت قائلة في نفس التدوينة: "بس اللي مسيطرين على الكوكب وعاملين لنا تنويم مغناطيسي ومغيبين عقولنا خدعونا بقصة مقبرة خوفو دي، يلا اشتموني بسرعة وطلعوني جاهلة".

في تدوينة أخرى قالت "طيب ابحثوا عن الألواح السومرية وبالذات اللوح الـ 11 اللي Enki (إنكي هو أحد أهم الآلهة في الأساطير السومرية) كاتب فيه تفاصيل عن بناء الأهرامات، الألواح دي كانت مدفونة تحت الطين من آلاف السنين ولقوها في العراق".

وذكرت العمروسي: "أظن دي آثار وعلماء الآثار أثبتوا إنها أثرية مش حديثة، يعني الواد حمؤة اللي واقف على الناصية كتبها ودفسها في الطين عشان عايز يطلع ترند زي ما بتقولوا عليا بالظبط Enki.. هو بتاح".

وأكملت في تدوينة أخرى "إن بناة الأهرامات مش بشر أصلا، مش من الجنس البشري، وتماثيلهم العملاقة دة طولهم الأصلي مش تضخيم ليهم".

وفي آخر تغريداتها المثيرة للجدل كتبت العمروسي: "أنا مش هجادل حد، أنا بفجر الحقيقة في زمن كاره للحق، لناس خدت علي التغييب وبيعشقوا الكدابين وبيصنعوا أبطالا من ورق، ناس أدمنت الخديعة وبياخدوا أي معلومة متوارثة كإنها يقين لأن كدة أريح بكتير من الثقافة والمعرفة والتعب، اشتموني علي أد ما تقدروا وإالشوا كمان وكمان وجهلوني واتهموني بإن هدفي الترند لإن دة بيعكس إللي جواكم ودة وعيكم، كل إناء ينضح ما فيه.. أنا إللي يفرق معايا إن فيه قلة قليلة منكم وعيهم واسع وعقولهم منورة ممكن تعمل مجهود وتبحث وتدور وتوصل للحقيقة، بدل ما تقعد مفخدة علي النت تتريق وتألش علي خلق الله، تفرق معايا لو واحد بس فيكم عمل مجهود وقرأ وبحث، أما الباقي إللي ساجنين عقولهم وحاطينه في بوكس وقافلين عليه بترابيس استمروا وزودوا الترابيس، الحياه اختيارات".