الحياة برس - ثراء جبيل .. كشفت الفنانة المصرية ثراء جبيل عن عدم رغبتها بالتعاون مع مخرج أحد الأعمال بسبب إهانته لها.
وقالت ثراء جبيل في لقاء مع برنامج "نص الكلام" مع راغدة شلهوب على النهار، "عنده أخت تعمل مساعد مخرج (سكريبت ملابس)، غلطت في المساعدة بتاعتي غلط بسبب حاجة مكانش لينا ذنب فيها، راكور حاجة مش باعتاه، هزقت المساعدة جامد وسمعاها بتتكلم علينا وبتهزهقها، كنا في وسط البلد في الشارع، حليت المشكلة وجبت حاجة شبهها وصورت المشهد بشكل احترافي".
وأضافت ثراء "نزلت بعد المشهد وأنا بحب اخد حقي وحق البنت اللي اتهزقت بشكل مش لطيف، وعليت صوتي وزعقت زي ما هي عملت، قلتلها انتي اللي غلطانة متزعقيش كده، إحنا ولا مرة نسينا حاجة متطلعيش سمعة اننا ناس مهملة ده اهمال منك انتي، وأنا لما بتعصب ببقى مرعبة، فعيطت وعيطت لاخوها لقيته بيكلمني في التليفون 20 ثانية مثلا من السب، بيشتمني بأقذر الشتائم في وجود المنتج الفني، وممثلة زميلة ومساعدتي ومساعدتها، المنتج الفني ذهل فقفلت السكة ومردتش".
calendar_month21/10/2022 08:08 pm