الحياة برس - تصدرت الفنانة المصرية زيزي عادل محركات البحث خلال الساعات الماضية، بعد إعلانها إعتزال الحياة الفنية، وذلك من خلال مقطع فيديو نشرته على حسابها في انستغرام الثلاثاء.

سبب اعتزال زيزي عادل

وقالت زيزي عادل أنها "النهاردة طالعة أقول خبر مهم أخدته في حياتى وهو قرار اعتزالى".
وأضافت زيزى عادل: "قررت أسيب مهنة المطربة، والقرار أنا مخدتهوش امبارح أنا وخداه من فترة كبيرة جدا، بس يمكن مطلعتش قلت وقتها لأنى كنت حابة أتكلم مع نفسى ومع الناس القريبة أوى".
وأكلمت كاشفة عن سبب اعتزالها: "أنا ببعد عن الفن عشان بقرب من ربنا، والفترة اللى فاتت قربت من ربنا جدا، ولقيت ان القرآن بيقولى إنى لازم أكون ست ملتزمة، وبحاول على قد ما بقدر أكون ملتزمة وهتستغربوا شوية انى طالعة بشعرى ومش محجبة، ويمكن ده لأنى لسه ربنا لم ينعم عليا بالحجاب، وبدعى ربنا يتممها عليا، وكل حاجة بتيجى خطوة خطوة ومفيش حاجة بتيجى مرة واحدة".
واختتمت حديثها: "أنا حابة أموت وربنا راضى عنى ويمكن دى حاجة كلنا بنتمناها، فأنا مش عارفة هاموت امتى ولكن كل اللى عوزاه أكون مستعدة لمقابلة ربنا وأقابله وأنا راضية عن نفسى وحياتى وأفعالى، والحمد لله ربنا كرمنى والتزمت، وربنا يكرم التزم اكتر وادعولى ان ربنا يثبتنى على اللى انا فيه".

معلومات عن زيزي عادل

  1. بدأت الغناء في برنامج ستار أكاديمي 2 عام 2004
  2. أول ألبوم صدر لها بعنوان "واحدة طيبة" عام 2007 
  3. أصدرت ألبوم ثاني بعنوان "وعد عليا" عام 2009
  4. قدمت عدداً من الكليبات المصورة
  5. لحنت عدداً من أغانيها بنفسها
  6. من أشهر أغانيها أغنية "الرجالة" أطلقتها عام 2019

المصدر: الحياة برس - وكالات