.png)
الحياة برس - كشفت الفنانة المصرية هنا الزاهد تفاصيل عن حياتها مع زوجها أحمد فهمي، في أول لقاء عقب زواجهما والوعكة الصحية التي ألمت بها مؤخراً.
وقالت هنا الزاهد في برنامج "معكم" للإعلامية منى الشاذلي: "مشوفتش يوم عِدل من بعد فرحي"، مضيفة أنها وزوجها كانا متفاجئين مما حدث معهما بعد الزواج.
وأضافت:"أنا وأحمد مش مصدقين اللي بيحصل، كدا كتير، وأما كنت أسأله إحنا هنقضي شهر العسل فين مكنش بيقول حاجة غير إنها مفاجأة فعلا اللي حصلي بعد كدا كله كان مفاجأة".
وكشفت هنا الزاهد عن ضربها شخص في فرحها، موضحة أنها لاحظت إلتقاطه صور كثيرة لها خلال الفرح وبعد أن علمت أن أحمد فهمي لا يعرفه قامت بدفعه.
وتضيف:"صورني 100 صورة، ناقص كمان يصور مناخيري، دفعته قولتله أبعد عني، وسألت أحمد جوزي أنت تعرفه قالي لا"، وتابعت "هنا" خلال حوارها: "ولما سألناه أنت مين؟ على صوته، وقال أنا بحبها أنا بحبها".
وخلال دخولها في الوعكة الصحية خلال قضاء شهر العسل في سنغافورة، وإصابتها بحصوات في المرارة، قالت لزوجها :" أنت فقعتلي مرارتي ".
وأوضحت قائلة:"بصتله وقولتله أنت فقعتلي مرارتي"، وتابعت، بأنه حينما أفاقت وجدت أن "فهمي" نشر صورتها على "إنستجرام" لتدخل في مشاجرة معه: "أما فوقت ولقيت أحمد منزل صورتي وأنا في المستشفى اتخانقت معاه وقلتله مكنش ينفع، قالي عشان الناس تعرف إننا مش مبسوطين ومتبهدلين، وطلبت منه يمسحها".
مشيرة لفضل المرض على زيادة حبها لزوجها، وتحدثت قائلة:"حسيت إنه راجل، وكان خايف عليا قوي، وفي الغالب مش بيعرف يعمل حاجة لوحده، إلا إنه وقت تعبي كان خايف عليا وكان بيعمل كل حاجة، وبيحضر الشنط".
وتابعت: "كان بيصعب عليا، وخصوصا وقت النوم، لأنه كان بينام على كنبة صغيرة ورجله طالعة منها".
وعبرت هنا الزاهد عن انزعاجها الشديد من المعجبات بزوجها :"مبحبش استايل البنت اللي بتيجي تحضنه وتتصور معاه".
المصدر: وكالات + الحياة برس
06/12/2019 05:38 pm
