الحياة برس - أكدت فرقة المهرجانات المعروفة باسم " المدفعجية "، استمرارها بالعمل الغنائي رقم قرار نقب المهن الموسيقية هاني شاكر، بمنع التعامل مع مغني المهرجانات ومنعهم من الغناء نهائياً.
وحذر شاكر في بيان المنشآت السياحية والملاهي الليلية والمطاعم وغيرها من التعامل معهم.
وقالت فرقة المدفعجية في تصريح لها الثلاثاء، أنها ستستمر بالعمل والغناء، مستنكرين تعميم القرار على جميع مغني المهرجانات، مطالبين بمحاسبة المخطئ فقط.
وجاء في البيان: "إحنا المدفعجية، من ساعة ما بدأنا وإحنا بنطور في المزيكا، لفينا مصر بيها ولفينا العالم بيها وفرحنا الناس في أفراحهم وحفلاتهم حتي اللي بيسمعنا في العربية، إحنا وغيرنا بيفرحوا ويتبسطوا، عمرنا مازعلنا حد وهنكمل بيكو وليكو ولسه عندنا كتير".
وأضاف: "ناس كتير طلعت اتكلمت وهاجمت وقالوا علينا اللي مش فينا وشتموا فينا احنا كلنا متعلمين وجامعين وأهلنا ربونا على الاحترام والتقدير والأصول إحنا ضد أي حد يقول كلمة غلط في المهرجان، مش بأيد الغلط بس المفروض اللي يغلط يتحاسب، لكن التعميم غلط في حد ذاته". 
وتابع: "مثلا لو حد قتل احبسوا هو وعائلته وصحابه؟ التعميم غلط مش صح واحنا كمدفعجية مكملين ومش هنوقف غنا احنا ورانا شعب مش جمهور وهنكمل بيكو وعشانكوا وكل حد فرحناه عارف الكلام ده كويس المهرجان اكبر قاعده جماهيرية في مصر وعمر ما هيموت". 
وواصل: " شكرا لجمهورنا اللي بيساندنا ودايما في ضهرنا وشكرا ليكوا أنكم دايما في ضهرنا وانتوا السبب في شهرتنا ووجودنا وبيكو مكملين".

calendar_month18/02/2020 11:39 pm