الحياة برس - كشفت الفنانة المصرية سميحة أيوب عن لقائها الأول بالفنان الراحل يوسف وهبي.
وقال سميحة ايوب في حديث لكلمة اخيرة مع لميس الحديد، "يوسف بيه كان ليا معه جولة"، "الأستاذ زكي طليمات (المدير الفني للمسرح القومي) مدير فرقتنا وأستاذنا وفي يوم من الأيام حصل زمن اسم (التطهير للمسرح) في الخمسينيات وتم إقالته وجاءوا بيوسف وهبي ليحل محله، وضموا فرقة المسرح الحديث مع الفرقة القومية للمسرح، وإحنا الصغيرين غضبنا".
وأضافت:"مسك المسرح يوسف وهبي وقال البنت: اللي عاملة ثورة جيبوهالي، قولت: لأ ما أروحش أقابله وينزل يكلمني في الصالون وكان معايا زمايلي.. ماكنش بيهمني إلا شغلي.. ونزل الرجل قعد في الصالون وقال هاتوها، وقالي: مالك يا سميحة عاملة كده ليه ورافضه كل حاجه ليه؟، قلت له: أستاذنا (زكي طليمات) أستاذنا ومربينا، ورد عليّا: وماله وأنا أبقى أستاذكم".
وكشفت أنه عرض عليها دوراً غير مسيرتها الفنية وقالت: هو قال "أنا شايف فيكي أنك هتبقي ممثلة هائلة وكويسة وأنا شايل لك دور في مسرحية (أعظم امرأة) أنا وأنتِ وأمينة رزق.. أنا اتكسف ساعتها لأني كنت حادة وكان لازم اتشتم.. وقالي: فيه حاجه مضيقاكي، هتشتغلي الدور؟، ووافقت هو رجل جميل وكل يوم كان يقولنا نكت ويضحكنا».

calendar_month17/11/2021 11:06 am