الحياة برس - في تطور جديد بقضية سرقة أموال وخاتمي ألماس من الفنانة المصرية نادية الجندي، أجلت محكمة جنح شمال الجيزة المصرية الحكم على خادمة الجندي في قضية إتهامها بسرقة خاتمين ألماس لجلسة 28 ديسمبر.
وتم إستدعاء سائق الفنانة الجندي للشهادة أمام المحكمة وقال "أنا جاي أشهد النهاردة إني كنت موجود في الفيلا بتاعة الأستاذة نادية الجندي ولقتها بتصوت وبتزعق وأنا روحت على صوتها لقتها موقفة الخدامة اللي اسمها زينب وبتقول إن هي شافتها قدام الدولاب بتاخد فلوس منها".
تابع السائق: "بعد كدا روحنا على المطبخ عشان زينب قالت إن هي شايلة الفلوس اللي وخداها تحت المطبخ وفعلا لقينا شنطة تحت المطبخ فيها فلوس كتير لما عديناهم لقناهم حوالي 47 ألف جنيه وأستاذة نادية سامحتها عشان كنا داخلين على شهر رمضان ودا اللي أنا جاي أشهد بيه النهارة".
أضاف سائق نادية الجندي: "الكلام ده حصل قبل شهر رمضان اللي فات وأنا مش فاكر التاريخ بالظبط، وكان في فيلا الأستاذة نادية الجندي في طريق مصر إسكندرية الصحراوي".
وقد حكمت محكمة جنح شمال الجيزة في وقت سابق على الخادمة بالسجن لمدة سنة، وبراءة زوجها من الإتهامات المسندة إليه بعد إتهامهما بسرقة المشغولات الذهبية من نادية في فيلا كرداسة.

calendar_month08/12/2021 07:03 am