الحياة برس - كشفت الفنانة المصرية شيرين عبدالوهاب عن مخاوفها من تقليدها بعد حلاقة شعرها من الفتيات.
وقالت شيرين عبد الوهاب خلال لقاء مع الإعلامية إسعاد يونس في برنامج "صاحبة السعادة" على قناة دي ام سي "بعد حفلة دبي، متخيلتش أن ده اللي هيحصل، كنت ببص في عيون الناس علشان أرصد أي لحظة استغراب من اللي عملته في شعري، لاقيت أنهم منبهرين بيا، ولا كأني حلقت شعري".
وقالت: "بعد ما خلصت مكالمة محاربي السرطان، قولت إيه اللي انا فيه؟ أنا معنديش حاجة، كنت خايفة من البنات، كنت خايفة البنات تتعقد، الخضة دي عدت، البنات طلعت عيال مكحرتين وعيال بيفهموا وبيقدروا ومش هيقلدوا، مش كل واحدة تتخانق مع جوزها تروح تحلق شعرها، وإحنا قولنا بقى أن الموضوع مش خناقة".
ووصفت صوتها بالعتيق قائلة: "السبب أن صوتي عتيق، أنا بقيت بعرف قيمة نفسي خلاص، أتدفيت في حضن الناس اللي بتحبني، كالعادة ربنا يخليكو ليا".

المصدر: الحياة برس - وكالات