.png)
الحياة برس - ظهرت الاعلامية المصرية بسمة وهبة لأول مرة بعد حديثها عن إصابتها بمرض السرطان الخبيث.
ونشرت بسمة صورة لها من إحدى حفلات الزفاف برفقة زوجها وهي ترتدي فستان أبيض قصير مصنوع من الريش.
وعلقت وهبة على الصورة التي نشرتها على حسابها في انستغرام قائلة:"أما تبقى الفرحة فرحتين؛ فرحتي بـ(حبيبة) اللي غلاوتها عندي من غلاوة مامتها، صاحبة عمري ورفيقة الرحلة، وفرحة لقاء الصحاب اللي عشت معاهم أجمل ذكريات وشاركت معاهم لحظات سعادة وضحك ملوش عدد ولا حصر".
وتابعت: "إيه أحلى من فرحة زي دي، وأنا كمان معايا حب عمري جنبي، سندي وزوجي وصديقي العزيز، ربنا يديم الفرحة في قلوب المحبين".
وكانت بسمة وهبة قد رصدت رحلتها مع مرض السرطان وكيف تمكنت من التغلب عليه قائلة:"بقالي فترة ساكتة ومش حابة أتكلم.. بس الحقيقة بعد فراق العزيز الراحل فاروق الفيشاوي وفراق الجميلة الشابة ميشال حجل وصيفة ملكة جمال لبنان السابقة بنت الـ25 سنة في نفس الأسبوع وقصص أخرى زادت مشاركتها في الفترة الأخيرة عن ناس اتعلقنا بيهم، لكن المرض خطفهم مننا، كل ده خلى بعض الأصوات تعبر عن فقدانها للأمل بعد سلسلة الصدمات دي، ونشوف إن التحدي مع السرطان ممكن يكون معركة خسرانة، علشان كدة قررت وبعد تفكير طويل أشارككم قصة صغيرة".
وأكملت: "البعض يعرف إني أصبت بمرض السرطان اللي هو في الحقيقة أنا وصفته إنه مش بس مرض دي معركة حقيقية، ومهما الواحد اتكلم عن معركته ورحلة المرض، هيفضل من الصعب وصف بعض اللحظات اللي عدت عليه، لحظات الآلم، بس النهاردة قررت أحكيلكم الزاوية الأهم للحدوتة، حدوتة الأمل".
المصدر: وكالات + الحياة برس
07/09/2019 11:38 am
