.png)
الحياة برس - عبر الفنان المصري محمد رمضان عن حزنه وأسفه الشديد بسبب قرار الفصل الذي تم بحق الكابنت سعد أبو اليسر من وزارة الطيران المصرية بعد التقاط فيديو لرمضان من داخل قمرة القيادة.
وقال محمد رمضان خلال مداخلة له في برنامج " الحكاية "، على قناة أم بي سي مصر، أن الطيار كان يعلم أن التصوير بهدف نشره على السوشيال ميديا، موضحاً أن الكثيرين يلتقطون الصور التذكارية من قمرة القيادة.
وأوضح الفنان أنه هو من طلب من قائد الطائرة أن يتلقط فيديو، قائلا "بس أنا مش شايف الموضوع مستاهل لكل ده، هل لو كان شخص غير محمد رمضان اللي قعد في المكان كان الموضوع أثار هذه الضجة شوفنا كتير من النجوم اللبنانيين وأبنائهم اتصوروا في قمرة الطائرات، أنا مش عارف إيه اللي يعوض الكابتن وأنا أعمله فورا".
وتابع: "أنا زعلان ومستاء إني أكون سبب تعطيل واحد عن عمله، خاصة أن الطيار ده له تاريخ في مهنته، الموضوع لا يستحق هذه الضجة الكبيرة، أنا حاولت بالفعل التواصل مع مسؤولين في الطيران المدني، بس ده كيان محدش يقدر يتدخل في عملهم، حاولت بقدر الإمكان أفهمهم أني لا سوقت طيارة ولا عملت حاجة وأخذت فقط صورة تذكارية، وحصلت كتير، لكن الموضوع معايا بيتعمل من الحبة قبة".
وواصل: "أنا مش بقول اللي أنا عملته واللي حصل صح، بس أنا مستاء إني أتسبب في قطع عيش راجل محترم، اللي يعوض الراجل ده أنا أعمله، ولو هو محتاج أي حاجة أنا تحت أمره وبعتذر له على الهواء وبقوله أنا أسف لو كنت سبب لمشكلة ليك، لم ولن أتخلى عنه أي شيء يطلبه أنا تحت أمره، دي مش أخلاقنا إننا نتسبب في أذى حد ونسيبه، أنا راجل مولود في منطقة شعبية وصعيدي وأمي من الغربية، يعني لا ده أخلاق الصعايدة ولا الفلاحين".
09/02/2020 01:31 pm
