الحياة برس - اندلعت مشادة بين الإعلامي وائل الإبراشي - مقدم برنامج "العاشرة مساءً" - وشاب من المثليين المشاركين في حفل "مشروع ليلى" يُدعى "فريد رمضان".

وقال "الشاذ" لـ"الإبراشي" : "انتوا ممكن تكونوا شايفينا ناس فاسدة وعبدة شيطان بس دة مش حقيقي .. احنا مش بنطلع لساننا لحد ولا بنستفز حد .. احنا بنحاول نوصل وجودنا .. احنا مثليين جنسيًا موجودين في مصر .. احنا كتير منا حاول يتعالج لما كنا فاكرين إنها مشكلة فعلًا و رحنا لعدد كبير جدًا من الأطباء وكانوا بنصبوا علينا وبياخدوا منا فلوس وفي الآـخر اتصالحنا مع نفسنا وعرفنا إنه مش مرض وإن المثلية مالهاش علاقة بكل اللي بيتقال في المجتمع .. والميل الجنسي معترف بيه من منظمة الصحة العالمية إنه مش مرض وإنه معترف بيه زيه زي الميول الغيرية .. زيي زي حضرتك زي أي حد .. مش ميول انحرافية .. احنا حاولنا نحارب نفسنا واكتشفنا إننا مش بنعمل حاجة غير إننا نقتل نفسنا".

و رد "الإبراشي" قائلًا: "المشكلة هنا بدأت بالإعلان عن نفسكم بهذا الشكل .. وترفعلي علم المثليين .. يا أخي ارفع علم مصر ارفع علمًا نتباهى ونفخر بيه .. كلامك قضية مجتمعية محتاجة نقاش بس انتوا ضد المجتمع .. قولي ايه فلسفة رفع العلم دة".


و رد "الشاذ" : "هل أنا فخري بنفسي فيه اعتداء على حرية الآخرين؟": .. و رد "الإبراشي": "أنت عايز تقول للمجتمع إن المثليين موجودين واعترفوا بدة ؟ .. أنا بناقشك في مشهد وانتوا بترفعوا العلم في تجمعات ". 


من جانبه قال الشيخ صبري عبادة، مستشار وزارة الأوقاف، إن المثلية الجنسية غزو فكري، والله سبحانه وتعالى رسم لكل إنسان كيفية استخدام أعضائه، واستخدام الغريزية الجنسية بهذا الشكل المقزز يؤكد أن هناك مفاهيم مغلوطة مستوردة من الخارج.

وتابع "عبادة"، خلال مداخلة هاتفية ببرنامج "العاشرة مساءً"، أن القرآن الكريم والتوراة والإنجيل حاربوا المثلية الجنسية، لأنها تؤدي إلى نشر الأمراض، خلاف أنها تخالف ما أمر الله به، ورفع علم للمثليين جنسيًا في حفل بالتجمع الخامس هو جريمة كبرى.

وأوضح أن من قاموا برفع العلم هم قوم لوط، وأستغرب الحديث على أن المثلية حرية شخصية، لافتَا إلى أن رفع المثليين جنسيًا العلم هو نوع من الجهر بالمعصية وهذا من أكبر الكبائر، وعلى الأجهزة المعنية اتخاذ الإجراءات اللازمة ضد هؤلاء.

calendar_month25/09/2017 12:09 pm